მასწავლებლის ბლოგი

საწრეო მუშაობა

მათემატიკის წრე

წესდება:

სსიპ ოზურგეთის მუნიციპალიტეტის სოფელ ჯუმათის საჯარო სკოლის

მათემატიკის წრის ,,მათემატიკა გონებას აწესრიგებს"

წესდება

1.2 წრის დაფუძნებულია პირველი სემესტრის ვადით.

1.3 წრეს აქვს სახელწოდება, ,,მათემატიკა გონებას აწესრიგებს"

2. წრეში გაწევრიანება :

2.1 წრის წევრობა ნებაყოფლობითია;

2.2 წრის წევრი შეიძლება გახდეს სკოლის IVკლასის მოსწავლე, რომელიც იზიარებს წრის მიზნებს.

2.3 წრის წევრობის მსურველმა უნდა მიმართოს წრეს წერილობითი ფორმით (განცხადებით).

2.4 წრის გაწევრიანებაზე გადაწყეტილება მიიღება წრის ლიდერის მიერ, სკოლის დაწყებითის პედაგოგთან შეთანხმებით.

2.5 წრის წევრს უფლება აქვს მიიღოს ინფორმაცია წრისა და მისი საქმიანობის თაობაზე.

2.6 წრის წევრი ვალდებულია მიიღოს მონაწილეობა წრის საქმიანობაში, დაიცვას წესდების მოთხოვნები,შეასრულოს დავალებები და წრის მიერ მიღებული გადაწყვეტილებები.

2.7 წრის წევრებს ეკრძალება იმოქმედონ ორგანიზაციის სახელით წრესთან ან სკოლის ადმინისტრაციასთან შეთანხმების გარეშე.

2.8 წრე პასუხისმგებელია მისი წევრის მხოლოდ იმ საქმიანობაზე, რომელიც დაკავშირებულია წრის საქმიანობასთან.

2.9 წრის წევრს უფლებამოსილება უწყდება პირადი განცხადების საფუძველზე, ასევე წრის საერთო კრების გადაწყვეტილებით როდესაც მისი საქმიანობა ეწინააღმდეგება წრის მიზნებს და უხეშად არღვევს აღნიშნული წესდების დებულებებს და წრესთან არსებობის ვადის გასვლის შემდეგ.

3. წრის სტრუქტურა, მართვა და გადაწყვეტილებების მიღება:

3.1 წრე შედგება წრის წევრებისგან, რომელთა რაოდენობაა არაუმეტეს თხუთმეტი მოსწავლისა;

3.2 წრეს შეიძლება ჰყავდეს ლიდერი,რომლის უფლებამოსილებაა უხელმძღვანელოს წრის საქმიანობას, /პირებთან ურთიერთობისას, უხელმძღვანელოს წრის მიერ განსახორციელებელი პროექტებისა და პროგრამების შემუშავბასა და რეალიზაციას, განაგოს წრის ქონება, დანიშნოს და გაათავისუფლოს წრის წევრები, დანიშნოს წრის წევრებისაგან ერთ-ერთი მოადგილედ, გაანაწილოს ფუნქიები, მიიღოს სხვა გადაწყვეტილებები საწესდებო მიზნების მისაღწევად.

3.3 ხელმძღვანელი თავისი კომპეტენციის ფარგლებში: ხელმძღვანელობს წრის საქმიანობას ერთპიროვნულად.

3.4 წრის საერთო კრება უფლებამოსილია ხმათა უმრავლესობით: დაამტკიცოს სამოქმედო გეგმა, დაამტკიცოს წრის წესდება, აირჩიოს ან ვადაზე ადრე გადააყენოს თავმჯდომარე.

3.5 წრის ლიდერი ირჩევა 3 თვის ვადით.

4. წრის მუშაობა

4.1 წრე იკრიბება არანაკლებ თვეში ოთხჯერ, გარდა დასვენებების პერიოდისა

4.2 წრის საერთო კრება უფლებამოსილია თუ მას ესწრება წევრთა არანაკლებ 3/4 ;

5. წრის რეორგანიზაცია და საქმიანობის შეწყვეტა:

5.1 წრის რეორგანიზაცია (შეერთება, მიერთება, გამოყოფა გარდაქმნა) ხორციელდება ამ დებულებით .

5.2 წრის ლიკვიდაცია ხდება:

- სკოლის საერთო კრების გადაწყვეტილებით.

- მიზნების მიღწევის შემთხვევაში.

6. დასკვნითი დებულება:

6.1 წესდება ძალაში შედის წრის საერთო კრების ოქმის დამოწმების დღიდან.

6.2 ამ წესდებაში ცვლილებები შეიძლება შეტანილ იქნეს მხოლოდ საერთო კრების

გადაწყვეტილებით.

07/10/12019 წელი

წრის სამუშაო გეგმა

წრის დასახელება: „მათემატიკა გონებას აწესრიგებს“

სკოლა: სსიპ ოზურგეთის მუნიციპალიტეტის სოფელ ჯუმათის საჯარო საჯარო სკოლა

კლასი: IVკლასი

მოსწავლეთა რაოდენობა: 7

საგანი: მათემატიკა

მასწავლებელი: თეა დარჩია

წრის მიზანი:

· მოსწავლეთა სწავლის ხარისხის გაუმჯობესება

სწავლება შეუქმნის მოსწავლეებს საფუძველს როგორც მათემატიკური ცოდნის ამაღლებისთვის , ასევე მათემატიკის შემდგომი შესწავლისთვის შესაბამისი უნარების განვითარების მხრივაც. ისინი შეიძენენ უნარებს მათემატიკის ცოდნა გამოიყენოს ყოველდღიურ ყოფა- ცხოვრებაში.

მეცადინეობებზე განსაკუთრებული ყურადღება დაეთმობა მცნებების გააზრებას: რაოდენობა და რიცხვები, ციფრების გამოყენება ნომრებად, რომაული და ძველი ქართული ციფრები,. რა არის რიცხვითი ღერძი, გეომეტრიული ფიგურები და მათი შემადგენელი ელემენტები, საზომი ერთეულები, სანტიმეტრი, მეტრი,100000-მდე რიცხვები, დიდი რიცხვების დალაგება რიცხვით ღერძზე.

წრე განკუთვნილია მეოთხე კლასის მოსწავლეებისთვის. მოსწავლეთა საჭიროებიდან გამომდინარე მათთვის წრის მეცადინეობებზე დასწრება იქნება კარგი საშუალება ისწავლონ საფუძვლიანად მათემატიკის მეოთხე კლასის სტანდარტით განსაზღვრული საკითხები.

მათემატიკური მცნებების ცოდნა და უნარები:

·         მცნებების ცოდნა;
·         ციფრთა სხვადასხვა მეთოდით ჩაწერის ცოდნა;
·         გეომეტრიული ფიგურების დახაზვის უნარ-ჩვევები;
·         ათიათასამდე რიცხვების ჩაწერა;
·      ათეულებამდე,ასეულებამდე,ათასეულებამდე დამრგვალება

კომუნიკაციური უნარები:

·          რიცხვების დასახელება;
·         რიცხვების სხვადასხვა მეთოდით ჩაწერა;
·        დიდი რიცხვების შედარება, დალაგება;
·         ზეპირი კომუნიკაცია;
·         წერითი კომუნიკაცია.

საწრეო მუშაობის პროგრამა: მოიცავს ეროვნული სასწავლო გეგმით გათვალისწინებულა აქტივობებს. სასწავლო რესურსები: საწერი ფურცელი, კალამი, დაფა, ფერადი ცარცი, კომპიუტერი, მაგნიტური დაფა, სახელმძღვანელო, პლაკატები.

მასწავლებელი არეგისტრირებს მუშაობაში მსურველ ბავშვებს, მათ მშობლებს გააცნობს წრის მუშაობის მიზანს, შეხვედრების განრიგს. მასწავლებელი მშობლებს ინდივიდუალურად დაურიგებს წინასწარ გამზადებულ ბარათებს და სთხოვს შეავსონ კითხვარი, თუ რა მოლოდინი აქვთ წრის მუშაობის პროცესში

წრის სამუშაო პროგრამა:

1. რაოდენობა და რიცხვი.

ა) რიცხვი, როგორც რაოდენობის აღმნიშვნელის გამოყენება

ბ) როგორ ჩაიწერება რომაული და ძველი ქართული ციფრები?

2. ) დავხაზოთ რიცხვითი ღერძი

ა )როგორ დავხაზოთ რიცხვითი ღერძი?

ბ ) შესაბამისი რიცხვის დასახელება ღერძზე

გ) შეკრება გამოკლება რიცხვითი ღერძის დახმარებით

3. რამდენიმე რიცხვის შეკრება და გამოკლება

ა )რამდენიმე შესაკრები.

ბ )რიცხვის დაშლა შესაკრებებად.

გ)შეკრებისა და გამოკლების ცხრილი

4.გეომეტრიული ფიგურები

ა)გეომეტრიული ფიგურების დახაზვა

ბ)სანტიმეტრი, მეტრი

5.მრავალკუთხედი და მისი პერიმეტრი

ა)მართკუთხედი, კვადრატი

ბ)წრე და წრეწირი

6 ) 1000- მდე რიცხვები.

ა) ასეულები, მათი შედარება.

ბ)დიდი რიცხვების განლაგება რიცხ. ღერძზე

გ)ათეულებამდე დამრგვალება

დ) ასეულებამდე დამრგვალება

ე)ათასეულებამდე დარგვალება

7. შემაჯამებელი საწრეო მუშაობა.

ა) ქვიზი

ბ) ზეპირი გამეორება

გამოყენებული რესურსები: სახელმძღვანელო(გოგიშვილი,ვეფხვაძე. ინტელექტი), პორტალიkargiskola.ge ;

საწრეო მუშაობის ხანგრძლივობა:

საწრეო მუშაობა გაგრძელდება ერთი სემესტრის განმავლობაში. (2019 წლის 7 ოქტომბრიდან - 2019 წლის 25 ნოემბრამდე).

ერთი შეხვედრის ხანგრძლივობა: 45 წუთი

შეხვედრების განრიგი:

N	საწრეო მუშაობის განრიგი
1	07/10/2019
2	21/10/2019
3	28/10/2019
4	04/11/2019
5	11/11/2019
6	18/11/2019
7	25/11/2019

კითხვარი მშობლებისათვის

სახელი: ------------------------------

გვარი:------------------------------

მოსწავლის სახელი და გვარი:

1.თანახმა ხართ თქვენი შვილი ჩაერთოს საწრეო მუშაობაში?

ა) დიახ; ბ)არა.

2. საწრეო მუშაობა ხელს შეუწყობს თქვენი შვილის ცოდნის გაღრმავებას?

ა) დიახ; ბ) ნაწილობრივ; გ)არა

3. როგორ ფიქრობთ: თქვენი შვილი ხალისით ჩაერთვება საწრეო მუშაობაში, თუ ხათრის გმო?

4. რა შედეგს ელოდებით საწრეო მუშაობის დასრულების ბოლოს?

----------------------------------------------------------------------------------------

მოსწავლის კითხვარი

გვარი ,სახელი ---------------------------------------------

N	კრიტერიუმები	კი 1	არა 0
1	დროულად მოგეწოდათ თუ არა ინფორმაცია მათემატიკის წრის შექმნის შესახებ?
2	საწრეო მუშაობის დროს განხილული საკითხები გეხმარებოდათ თუ არაცოდნის გაღრმავებაში?
3	საწრეო მუშაობის დროს, მასწავლებლის მიერ განხილული აქტივობები იყო თუ არა საინტერესო და მრავალფეროვანი?
4	იყო თუ არა მეგობრული და კეთილგანწყობილი გარემო?
5	დადებითად შეაფასებდით თუ არა საწრეო მუშაობას?